ENRIQUECEDOR VIAXE AS CIVILIZACIÓNS DA IDADE ANTIGA!!!
Boello e o Equipo da Biblioteca Escolar invitamos a toda a comunidade do noso centro educativo a participar nunha nova proposta de temática global, o enriquecedor viaxe as civilizacións da Idade Antiga que traballaremos ao longo de todo este ano escolar.
O motivo que nos impulso a decantarnos por esta temática foi que nos parece fundamental que coñezamos o noso pasado para poder comprender mellor o noso presente e sobre todo que deste xeito sexamos capaces de reflexionar sobre os acertos e erros anteriores e presentes para poder ter un esperanzador futuro para as novas xeracións que habitarán o noso planeta.
Viaxaremos a:
- África para coñecer detalles moi interesantes sobre os nubios, os exipcios e os fenicios.
- Oceanía para afondar no coñecemento dos aborixes australianos, dos micronesios, dos melanesios e dos polinesios.
- Asia Occidental para descubrir o mundo dos sumerios, dos acadios, dos asirios, dos babilonios e dos persas.
- Asia Oriental para mergullarnos no modo de vida dos pobos do val do Indo, dos antigos chinos e dos mongois.
- Europa para saber datos fundamentales sobre os micénicos, os antigos gregos, os antigos romanos, os celtas e os viquingos.
- América para indagar sobre o xeito de vida dos nativos americanos, dos olmecas, dos maias, os incas e os aztecas.
Oxalá a nosa marabillosa viaxe pola Idade Antiga nos permita crecer en coñecementos da vida no tempo pasado, nos anime a investigar antecedentes moi destacados dese pasado no noso mundo presente e nos invite a meditar sobre os pasos a dar no futuro máis próximo para que as novas xeracións poidan gozar de toda a fermosura deste noso planeta.
BOELLO E O EQUIPO DA BIBLIOTECA
CEIP PLURILINGÜE CALVO SOTELO
