MODO "PRÉSTAMO" ACTIVADO!!!
Durante o mes de outubro o "Préstamo" de libros, contos e demais curiosidades en lingua impresa da nosa nova Biblioteca Escolar atópase en modo activado.
As pautas de "Préstamo" son as mesmas que as de antes da pandemia pero sempre respectando as normas do Protocolo Covid deste novo ano académico.
Non vos podedes imaxinar a ledicia que nos inunda cada vez que a nosa Biblioteca pasa a converterse nun lugar máxico cheíño de cativ@s na busca da súa nova lectura que lles agasallará cunha fantástica aventura por descubrir.
Son tantas as ganiñas por saber que se agocha detrás das lindas tapas da súa lectura seleccionada con máxima ilusión que moitas veces a lectura xa acontece na propia Bibilioteca...
E outras veces a intriga ten que agardar a chegar as súas casiñas para poder desfrutar ao máximo da súa nova aventura no seu intre máxico lector.
Boello e o Equipo da Biblioteca do CEIP Plurilingüe Calvo Sotelo
No hay comentarios:
Publicar un comentario