SEMANA DO LIBRO!

 Iniciamos nesta semana as actividades e obradoiros para celebrar o DÍA DO LIBRO no noso centro a través da BIBLIOTECA.

Para conmemorar un data tan especial, todo o centro gozou ao mesmo tempo dunha sesión de lectura colectiva en diferentes espazos do cole.

Así mesmo, comezamos cos obradoiros de BIBLIOTECA CREATIVA que imos levar a cabo en todos os niveis durante tres semanas.

O alumnado de terceiro ciclo de E.P. participou con grande entusiasmo na proposta feita dende a BIBLIOTECA en colaboración co PROXECTO DIGICRAFT. Na actividade "Pesadelo na biblioteca" os nenos e nenas tiñan que recolocar os libros que caeran ao chan e perderan parte da súa información despois de sufriren un terremoto. Completando a tarefa,realizaron un xogo no que desenvolvían o rol de robots bilbiotecarios ou libros para concienciarse da importancia da colocación dos libros na nosa biblioteca.

ACTIVIDADE CON SCRACHT!!!

 

Esta actividade consiste na creación dun videoxogo, moi sinxelo, no que un

gato intenta atrapar aparellos tecnolóxicos para reciclar.

O alumnado aprende nocións básicas de programación con scracht e, de

forma guiada, programa o videoxogo para o posterior uso.

A actividade está destinada para quinto e sexto.

 A actividade parte de Biblioteca pero en colaboración con Polos, que

elaborou un vídeo das actividades e, ademáis, trata a temática do coidado do

medio ambiente, que todos debemos traballar neste curso. 

VIDEO DE SCRACHT

Debemos engadir que empregamos recursos cedidos polo programa DigiCraft,

programa no que somos centro de referencia.

MOCHILAS VIAXEIRAS!!!

 Este ano, a partir de xaneiro, seguimos coas mochilas viaxeiras en infantil e primeiro ciclo de primaria. 

Como ben sabedes chegan á casa os venres e temos que devolvela o xoves seguinte. 

Felices lecturas!!!

A NOVA IMAXE DE BOELLO!!!

 Despois dun concurso moi reñido xa temos gañadora do concurso de mascotas para a biblio. 

Primeiro agradecer a todos e todas a súa participación, sodes uns artistas!!!

E noraboa á gañadora, a partir de agora o seu debuxo será a imaxe que represente a nosa biblioteca. 

24 de Outubro

 O 24 de Outubro celébrase o día das Bibliotecas Escolares. Este ano quixemos celebralo dunha forma especial, para dar a coñecer o noso novo espazo. En colaboración con Polos Creativos fixemos moreas de actividades para todo o alumnado do centro. 

    Comezamos polo alumnado máis pequeno, os nenos e nenas de Ed.Infantil, 1° e 2° de primaria.  A partir do conto "A montaña de libros máis alta do mundo" , crearon a súa propia montaña e desfrutaron de diversas propostas de xogo. 

O alumnado de infantil gozou de diversos xogos, mentres que o alumnado de 1° e 2° levou a cabo actividades de robótica dirixidas polos  nenos e nenas de 6° de primaria que son colaboradores do Equipo de Biblioteca. 

Logo seguimos co segundo ciclo, 3° e 4° de primaria. Neste caso a proposta era diferente, o alumnado chega ao espazo e atópase cunha caixa encadeada chea de contos. Para conseguilos teñen que superar unha serie de retos. Só así conseguirán a chave necesaria!!!.

Ahora só nos queda ver que bonitas propostas nos ofrecen os maiores para a NOVA MASCOTA DA BIBLIO!!!

Estamos desexando coñecelas!!!

COMEZANDO UNHA NOVA VIAXE 2023-2024

Neste curso, o tema da biblioteca será o coidado do medio ambiente completando o proxecto iniciado o curso pasado.

Ademáis, este ano temos un novo espazo de Biblioteca e Polos Creativos. O noso alumnado colaborador de 5° e 6° foron os elixidos para inaugurar este espazo coa seguinte actividade.

Na semana do 2 de outubro, realizouse a visita das clases ao novo espazo, para darlles a coñecer o gran concurso, para actualizar o aspecto da mascota da Biblio.

Presentamos o espazo, explicamos a personaxe de Boello e deixámoslles tempo para a súa proposta de actualización.

Antes do 20 de Outubro teremos o resultado final.

👏👏👏👏👏

     OLGA, BOA VIAXE FERMOSA XOANIÑA!!!

Olga, a nosa querida coordinadora do Equipo da Biblioteca remata a súa andaina no noso centro educativo para iniciar unha nova viaxe educativa cargada de novas vivencias enriquecedoras mil por mil. A súa nova etapa profesional e vital sabemos que estará acompasada coa lectura de milleiros de libros e máis libros que son o seu combustible para ter sempre a enerxía necesaria para intentar  facer realidade o seu marabilloso soño de transmitir a súa paixón pola lectura as novas xeracións porque ela sabe que no mundo da lectura habita a liberdade do ser humano.

Querida Olga

Olga, a nosa vanguardista coordinadora do Equipo da Biblioteca sempre moi atenta está a todas as innovacións educativas e tecnolóxicas que nacen neste noso mundo educativo para formarse, renovarse e ser así ese marabilloso motor de cambio que impulsa ao noso alumnado a descubrir novas posibilidades de crecemento persoal porque ela sabe que no mundo da innovación reside a esperanza das persoas.

Olga vanguardista

Olga, a nosa intelixente coordinadora do Equipo da Biblioteca foi esa máxica persoa que me animou e me impulsou a facer máis grande o meu minúsculo proxecto inicial da DiverCapacidade para conseguir convertelo nun xigantesco proxecto global do noso centro educativo no que todo o profesorado, alumnado e persoal non docente coñecemos, comprendemos e interiorizamos que todas as persoas temos Limits que debemos intentar facer cada día máis pequenos e Powers que debemos conseguir facer cada día máis grandes porque ela sabe que no mundo da inclusión vive a luminosidade da humanidade.

Intelixente Olga

Olga, en cada recuncho do noso Centro Educativo, da nosa Biblioteca e do noso corazón a túa esencia profesional e persoal permanecerá para sempre pero agora como a fermosa xoaniña que es tes que voar porque a túa querida alma intelixentemente vangardista necesita explorar novos mundos para seguir soñando neste teu máxico universo da educación.

Olga Esencia

BOA VIAXE FERMOSA XOANIÑA!!!

Olga Xoaniña

Ceci Music & Icía Power

Boello & Equipo da Biblioteca Escolar