MURAL DAS CIVILIZACIÓNS DA IDADE ANTIGA NA BIBLIOTECA DE BOELLO!!!

Boello e o Equipo da Biblioteca somos un grupiño de mestras que traballamos sempre pensando en inculcar o noso amor pola lectura en todo o alumnado do noso centro educativo. Ademais desta importante labor educativa tamén traballamos para impulsar entre o noso alumnado o interese por diversas temáticas que consideramos fundamentais para o seu desenvolvemento como cidadáns da sociedade do futuro.

Nesta ocasión pensamos que sería unha fantástica idea decorar o corredor que nos adentra na Biblioteca da nosa querida mascota Boello cun mural para ir ambientando o noso centro educativo coa temática global sobre a que imos intentar estimular a curiosidade do noso alumnado ao longo deste ano académico para que descobran e aprendan as cousiñas máis interesantes e destacadas das civilizacións da Idade Antiga.

Neste mural, o noso alumnado pode situar no mapa do noso planeta algunhas das civilizacións máis importantes da Idade Antiga e ler unha breve información para ir espertando a súa curiosidade polos seres humanos do pasado que marcaron o noso presente e dos que podemos aprender tanto dos seus acertos coma dos seus erros para soñar cun futuro mellor para toda a humanidade.

O mundo dos nos@s devanceir@s é ben interesante e Boello e o Equipo da Biblioteca irán pasiño a pasiño publicando novas entradas para que descubrades moito máis sobre as civilizacións da Idade Antiga.

BOELLO E O EQUIPO DA BIBLIOTECA

CEIP PLURILINGÜE CALVO SOTELO

   DÍA DAS BIBIOTECAS ESCOLARES!!!

Boello e o Equipo da Biblioteca Escolar do noso centro educativo querémosvos invitar a desfrutar dunha lectura explicativa dos motivos que marcaron o día 24 de outubro como Día das Bibliotecas Escolares.

Dende o ano 1997, cada 24 de outubro celebramos en España o Día das Bibliotecas, grazas á iniciativa de "La Asociación Española de Amigos del Libro Infantil y Juvenil" e ao patrocinio do "Ministerio de Cultura y Deporte" en lembranza da destrución da Biblioteca de Sarajevo, incendiada en 1992 durante o conflito balcánico.

No Día da Biblioteca é fundamental coñecer e recoñecer a labor das bibliotecas, dos seus servizos, dos seus recursos profesionais e agradecer e recoñecer o traballo dos bibliotecarios e das bibliotecarias por un gran motor cultural na nosa sociedade.

No noso centro educativo temos o enorme privilexio de contar cunha fermosa biblioteca que conta cunha ampla gama de libros adaptados as diferentes idades do noso alumnado e cun amplo catálogo para poder satisfacer a gran variade de gustos dos nosos usuarios.

Por outra banda, o Equipo da nosa Biblioteca ten un gran abanico de temáticas no seu fondo de libros para poder contribuír a acadar os obxectivos de desenvolvemento sostible da Axenda 2030 como por exemplo: Saúde de calidade, Educación de calidade, Igualdade de xénero, Auga potable e saneamento, Enerxías renovables e accesibles, Redución das desigualdades, Acción climática...

Boello e o Equipo da nosa Biblioteca sempre está a buscar o xeito de que o noso alumnado se inicie no mundo da lectura porque sabemos que un cativo ou cativa que le será un adulto lector e será un ser humano cunha visión máis ampla e enriquecida da realidade para poder ser o motor que impulse o cambio a un mundo mellor do que coñeceron os nosos antepasados e un planeta máis humano do que estamos a vivir na actualidade.

Sempre lendo,

Sempre soñando!!!

BOELLO E O EQUIPO DA BIBLIOTECA

CEIP PLURILINGÜE CALVO SOTELO

 O ENRIQUECEDOR VIAXE AS CIVILIZACIÓNS DA IDADE ANTIGA!!!

Boello e o Equipo da Biblioteca Escolar queremos invitarvos a un enriquecedor viaxe as civilizacións da Idade Antiga para que descubrades datos moi interesantes sobre cada unha delas e como o pasado da humanidade está moi arraigado no noso presente e tamén canto podemos aprender dos erros e acertos de cada unha das sociedades do pasado para soñar cun mundo mellor no futuro de toda a humanidade.

Queridas familias e querido alumnado ide preparando coidadosamente as vosas maletas con todo o necesario para a nosa intrépida, longa e intensa viaxe xa que imos a percorrer todo o planeta camiñando pola historia antiga de cada continente para ir coñecendo e aprendendo datos moi interesantes sobre as civilizacións da Idade Antiga.

• Viaxaremos a África para coñecer o mundo dos nubios, dos exipcios e dos fenicios.

• Viaxaremos a Oceanía para afondar no coñecemento dos aborínexes australianos, dos polinesios, dos micronesios e dos melanesios.

• Viaxaremos a Asia Occidental para descubrir as sociedades dos sumerios, dos acadios,  dos asirios, dos babilonios e dos persas.

• Viaxaremos a Asia Oriental para mergullarnos no devir cotiá dos pobos do val do Indo, dos antigos chinos e dos mongoles.
• Viaxaremos a Europa para afondar no pasado dos micénicos, dos antigos gregos, dos antigos romanos, dos celtas e dos vikingos. 
• Viaxaremos a América para averiguar o xeito de vida dos nativos americanos, dos olmecas, dos maias, dos incas e dos aztecas.

Animádesvos!!!

BOELLO E O EQUIPO DA BIBLIOTECA

CEIP PLURILINGÜE CALVO SOTELO

APUNTÁMONOS A NON BEBER

Por segundo ano consecutivo, o alumnado de 6º de E.P. participou no Programa de Sanidade "Apuntámonos a non beber".

 

 

 

A actividade consta de dúas  charlas. impartidas por Pilar Trabazos,  para concienciar sobre os perigos do consumo de alcol e bebidas enerxéticas en menores de idade. Complétase cunha conferencia para as familias que se realizará no mes de xuño.

 

Os nenos e nenas, despois de seguir traballando o tema nas aulas, elaboraron uns carteis de contrapublicidade advertindo dos riscos destas bebidas. A proposta seleccionada por cada grupo participará nun concurso que se fallará a finais de maio. 

 

OBRADOIRO DE CÓMIC CON BEA LEMA

A deseñadora gráfica, Bea Lema, volveu visitarnos o día 7 de maio para realizar un Obradoiro de Cómic co alumnado de 4º de Primaria.

Dentro das actividades programadas nas últimas semanas con motivo do Día do Libro, escollemos unha proposta de banda deseñada de acordo co tema das Bibliotecas Escolares de Galicia no presente curso.

Resultou ser unha experiencia moi motivadora e dando lugar a marabillosas creacións.

GABINETE DE CURIOSIDADES CON PABLO OTERO

Nos días 6, 8 e 9 de maio visitounos o ilustrador ourensán Pablo Otero. Con el, o alumnado de Primeiro, Segundo e Terceiro de Primaria realizou actividades relacionadas co tema elixido pola Biblioteca para levar a cabo neste curso: O COIDADO DO MEDIO NATURAL.

Partindo da idea das antigas exposicións de novidades, os nenos e as nenas creaban unha nova especie deseñándolle tamén o seu hábitat. Para realizar dita creación utilizaron material de refugallo e diversos obxectos, tales como: caixas, botóns, teas, pedriñas, ...