OS ESCORNABOTS FAN CAMIÑO A UN MUNDO MELLOR!!!

Durante este mes de marzo, a nosa mascota Boello animou incansablemente ao alumnado de sexto a buscar, seleccionar e organizar toda a información posible sobre os valores positivos da humanidade (empatía, tolerancia, xustiza, responsabilidade...) nos seus ordenadores de aula e nas súas cabeciñas e corazóns ...

... Toda esa frutífera busca foi reflectida con gran entusiasmo polo noso alumnado de último nivel de primaria a través de explicacións e ilustracións nas súas cuadrículas polas que se moveron os intrépidos Escornabots da Biblioteca e grandes amigos de Boello ...

... A finalidade desta motivadora actividade era deseñar un xogo de preguntas e respostas, para que os Escornabots programados polo alumnado conseguiran chegar á resposta correcta. Dita finalidade marcada por Boello, evidentemente, levounos a acadar moitos obxectivos no transcurso de tan enriquecedor proceso de ensinanza-aprendizaxe e animounos a seguir soñando cun mundo moitísimo mellor que o actual no que os valores positivos inunden o futuro do noso querido alumnado.

Sigamos soñando cun mundo mellor!!!

Boello e Equipo da Biblioteca do CEIP Plurilingüe Calvo Sotelo