domingo, 6 de noviembre de 2022

  ICÍA VIVE UNHA NOVA AVENTURA BEN AMISTOSA NO NOSO COLE!!!


Este venres a nosa pequena gran aventureira Icía viviu unha nova aventura ben amistosa no noso cole porque tiña moitas ganiñas de contarlle ao alumnado de cuarto a súa aventura vital, terapéutica e escolar. Os tres grupiños de cuarto non perderon detalle do relato explicativo nin do relato fotográfico das aventuras de Icía e miraron con natural curiosidade agarimosa a súa nova compañeira.

Sorrisos + Miradas + Corazóns = Amizade

Para celebrar tan lindo encontro a nosa aventureira levoulles de agasallo a cada un dos tres grupiños, un detalle lambón e unha das súas artísticas pinturas para que decoraran as súas aulas e así ter sempre un lindo recordo do seu primeiro encontro ben amistoso. 

Miguel - Agasallos 4ºA - María

Iago - Agasallos 4ºB - Yanira

Dani - Agasallos 4ºC - Noa

O agasallo artístico de Icía gustou tanto a "tutti" que xa quedamos cos tres grupiños en volver no segundo trimestre para que a súa nova "compi" lles ensine a pintar ao "Xeito de Icía" e vivir así unha artística xornada agarimosa.



Icía + 4ºA = Sorrisos




Icía + 4ºB = Miradas




Icía + 4ºC = Corazóns
Ao chegar o intre da despedida os grupiños de cuarto rodearon con gran emoción a nosa intrépida aventureira para darlle as súas lindas mans, milleiros de marabillosas miradas amistosas e algunha que outra aperta agarimosa e varios aloumiños gustosos.

Graciñas mil ao Equipo Directivo (Luis, Eva e Isa) do noso dinámico cole por ser sempre vento a favor, a nosa linda orientadora (Tati) por vivir connosco esta nosa nova aventura escolar , as titoras e titor (Lara, Isa e Jose) destes grupiños de compis por estar connosco dándonos o seu calor, a profe de inglés (Marina) por acompañarnos e por cada unha das súas palabras que sempre nos impulsan a seguir, as nosas profes amigas (MariCarmen e Cristal) por escaparse no seu tempo de lecer para agasallarnos co seu agarimo e a toda a cativada de cuarto polos seus fermosos sorrisos e algunha que outra bágoa, polos seus marabillosos corazóns e por espertar a pícara mirada da nosa valerosa aventureira Icía.


"DiverCapacidade" en cuarto... Avante a toda máquina!!!

Sorrisos + Miradas + Corazóns = Amizade

Ceci Music & Icía Power

Boello e o Equipo da Biblioteca Escolar 

No hay comentarios:

Publicar un comentario